आधारभूमि संवाददाता
काठमाडौँ, १६ कात्तिक
पेरिस सेन्ट जर्मेन (पीएसजी) ले फ्रेन्च लिग वानमा शानदार जित निकालेको छ ।शनिबार राति भएको खेलमा पीएसजीले नान्ट्सलाई ३-० गोलले पराजित गरेको हो ।
पीएसजीलाई जित दिलाउन केलियन एमबाप्पे , आन्द्रे हेरेरा र पाब्लो साराबियाले एक एक गोल गरे । पीएसजीले सबै गोल दोस्रो हाफमा गरेको हो ।
दोस्रो हाफको ४७ औं मिनेटमा एम्बाप्पेको पासमा आन्द्रे हेरेराले गोल गर्दै टोलीलाई सुरुवाती अग्रता दिलाएका थिए। ६५ औं मिनेटमा केलियन एमबाप्पेले गोल गर्दै टोलीको अग्रता दोब्बर पारे ।त्यस्तै खेलको ८८ औं मिनेटमा पाब्लो साराबियाले गोल गर्दै पीएसजीको जीत सुनिश्चित गरे ।
जितसँगै पीएसजीले ९ खेलबाट २१ अंक जोडेको छ र शीर्ष स्थानमा छ। पराजित नान्ट्स ८ अंक सहित १५ औं स्थानमा छ ।
