आधारभूमि संवाददाता
काठमाडौँ, १६ कात्तिक
स्पेनिस ला लिगा फुटबलमा आल्भेससँग बार्सिलोना बराबरीमा रोकिएको छ । शनिबार राति भएको खेलमा बार्सिलोनालाई आल्भेसले १-१ गोलको बराबरीमा रोकेको हो ।
खेलमा बार्सिलोनाको लागि एन्टोनी ग्रिजम्यानले एक गोल गरे भने आल्भेसको लागि लुईस रोजाले एक गोल गरेका थिए।
खेलको ३१ औं मिनेटमा लुईस रोजाले गोल गर्दै आल्भेसलाई सुरुवाती अग्रता दिलाएका थिए।
दोस्रो हाफको ६२ औं मिनेटमा आल्भेसका मिडफिल्डर जोटा दोहोरो पहेलो कार्ड खादै मैदान बाहिरिएपछि आल्भेस १० खेलाडीमा समेटिएको थियो।यद्यपी बार्सिलोनाले त्यसको फाइदा लियो।
त्यसको १ मिनेटपछि ६३ औं मिनेटमा एन्टोनी ग्रिजम्यानले गोल गर्दै खेल बराबरीमा ल्याए । त्यसपछि कुनै गोल हुन सकेन र खेल बराबरीमा रोकिएको हो ।
बराबरीसँगै बार्सिलोनाको ८ अंक छ र १२ औं स्थानमा छ । रियल मड्रिडको ७ खेलबाट १६ अंक छ र शीर्ष स्थानमा छ। दोस्रो स्थानको रियल सोसिडाडको ७ खेलबाट १४ अंक छ।
