आधारभूमि संवाददाता
काठमाडौँ, १५ कात्तिक
रियल मड्रिड स्पेनिस ला लिगा फुटबलको शीर्ष स्थानमा उक्लिएको छ ।शनिबार घरेलु मैदानमा भएको खेलमा रियल मड्रिडले एसडी ह्युस्कालाई ४-१ गोल अन्तरले पराजित गर्दै शीर्ष स्थानमा उक्लिएको हो ।
रियल मड्रिडलाई जित दिलाउन करिम बेन्जिमाले दुई गोल , इडेन हाजार्ड र फेड्रिको भाल्भर्डेले एक- एक गोल गरे । हुयस्काको डेभिड फेड्रिकोले एक गोल फर्काए ।
खेलको ४० औं मिनेटमा इडेन हाजार्डले गोल गर्दै रियललाई अग्रता दिलाएका थिए ।त्यसको ५ मिनेटपछि करिम बेन्जिमाले गोल गर्दै टोलीलाई पहिलो हाफमा २-० ले अघि बढाए।
दोस्रो हाफको ५४ औं मिनेटमा फेड्रिको भाल्भर्डेले गोल गर्दै टोलीलाई ३-० ले अघि बढाए। ७४ औं मिनेटमा हुयस्काको डेभिड फेड्रिकोले एक गोल फर्काए ।त्यसपछि बेन्जिमाले खेलको ९० औं मिनेटमा व्यक्तिगत दोस्रो गोल गर्दै रियललाई ४-१ को जित दिलाए ।
जितसँगै रियल मड्रिडले ७ खेलबाट १६ अंक जोडेको छ र शीर्ष स्थानमा उक्लिएको छ। दोस्रो स्थानको रियल सोसिडाडको ७ खेलबाट १४ अंक छ।
