आधारभूमि संवाददाता
काठमाडौँ, १५ कात्तिक
पोर्चुगलका कप्तान तथा युभेन्टसका फरवार्ड क्रिस्टियानो रोनाल्डो कोरोना भाईरसको संक्रमणबाट मुक्त भएका छन् ।रोनाल्डो १९ दिनपछि कोरोना मुक्त भएका सेरी ए क्लबले शुक्रवार एक विज्ञप्ति जारी गर्दै जनाएको छ ।
पोर्चुगल फुटबल महासंघले गत अक्टोबर १३ मा विज्ञप्ति जारी गर्दै रोनाल्डोलाई कोरोना संक्रमण पुष्टि भएको घोषणा गरेको थियो।रोनाल्डोलाई कोरोनाको कुनै लक्षण नदेखिएको र स्वास्थ अवस्था ठिक रहेको थियो।
गत अक्टोबर २२ मा क्रिस्टियानो रोनाल्डोको दोस्रो रिपोर्ट पनि पोजेटिभ आएको थियो।
उनले स्विडेनसँगको खेल गुमाएका थिए ।यस्तै सिरी (ए) को दुई र च्याम्पियन्स लिग अन्तर्गत समूह चरणको दुई खेल गुमाएका थिए ।
गत बुधबार मात्र समूह (जी)को खेलमा बार्सिलोनाले युभेन्ट्सलाई २–० ले गोल अन्तरले पराजित गरेको थियो।
