आधारभूमि संवाददाता
काठमाडौँ, १४ कात्तिक
युरोपा लिग फुटबलमा आर्सनलले शानदार जित निकालेको छ। बिहिबार राति भएको खेलमा आर्सनलले डुनडल्कलाई ३–० गोलले पराजित गरेको हो ।
आर्सनललाई जित दिलाउन एडी निक्केया, जोसेफ विलोक र निकोलस पेपेले एक-एक गोल गरे ।
खेलको ४२ औं मिनेटमा एडी निक्केया गोल गर्दै आर्सनललाई अग्रता दिलाएका थिए ।त्यसको २
मिनेटपछि जोसेफ विलोकले गोल गर्दै टोलीलाई २-० ले अघि बढाए।
दोस्रो हाफको ४६ औं मिनेटमा निकोलस पेपेले गोल गर्दै आर्सनललाई ३-० को शानदार जित दिलाए ।
जितसंगै समूह “बी”मा रहेको आर्सनलले २ खेलबाट ६ अंक जोडेको छ र शीर्ष स्थानमा छ।
समूह जीको अर्को खेलमा लेस्टर सिटीले एइके एथेन्सलाई २–१ गोलले पराजित गरेको छ ।
लेस्टर सिटीलाई जित दिलाउन जेमी भार्डीले १८औं मिनेटमा पेनाल्टीमा र हमजा चोधरीले ३९औं मिनेटमा एक-एक गोल गरे । एइके एथेन्सको मुअम्बर टेन्कोविकले ४९ औं मिनेटमा एक गोल फर्काए ।
जितसंगै समूह “जी”मा रहेको लेस्टर सिटीले २ खेलबाट ६ अंक जोडेको छ र शीर्ष स्थानमा छ।
