आधारभूमि संवाददाता
काठमाडौँ, १३ कात्तिक
बिहीबार थप २३६४ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ९ हजार ७६९ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो ।यो सँगै हालसम्म सङ्क्रमितको सङ्ख्या १ लाख ६४ हजार ७१८ पुगेको छ ।
थप ३ हजार ३८ जना डिस्चार्ज
नेपालमा कोरोनाभाइरस सङ्क्रमणबाट मुक्त हुने दर ७५.८ प्रतिशत छ। नेपालमा पछिल्लो २४ घण्टामा ३ हजार ३८ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या १ लाख २४ हजार ८३२ पुगेको छ । हालसम्म १४ लाख १९ हजार ६४ जनाको पीसीआर परीक्षण गरिएको छ।
नेपालमा कोरोनाबाट ज्यान गुमाउनेको संख्या ९०४ पुगेको छ।बिहीबार मात्रै १७ जनाको मृत्यु भएको मन्त्रालयले पुष्टि गरेको छ।
