आधारभूमि संवाददाता
काठमाडौँ, १३ कात्तिक
च्याम्पियन्स लिग फुटबलमा पेरिस सेन्ट जर्मेन (पीएसजी) ले टर्कीस क्लब इस्तानबुल बासाकेशिरलाई पराजित गरेको छ । बुधबार राति समूह (याच)को खेलमा पीएसजीले बासाकेशिरलाई २–० ले गोल अन्तरले पराजित गरेको हो ।
पीएसजीलाई जित दिलाउन मोइस किनले दुई गोल गरे । किनले दुवै गोल दोस्रो हाफमा एम्बाप्पेको पासमा गरेका थिए ।
दोस्रो हाफको ६४ औं मिनेटमा मोइस किनले गोल गर्दै टोलीलाई सुरुवाती अग्रता दिलाएका थिए। त्यसपछि ७९ मिनेटमा किनले व्यक्तिगत दोस्रो गोल गर्दै पीएसजीको जीत सुनिश्चित गरे ।
जितसँगै पीएसजीले ३ अंक जोडेको छ र दोस्रो स्थानमा रहेको छ ।
