आधारभूमि संवाददाता
काठमाडौँ, १२ कात्तिक
युरोपियन च्याम्पियन्स लिग फुटबलमा बायर्न म्युनिखले आफ्नो अपराजित यात्रालाई कायमै राखेको छ। मंगलबार राति भएको खेलमा बायर्नले लोकोमोटिभ मस्कोलाई २–१ गोलले पराजित गरेको हो ।
बायर्नको जितमा लियोन गोत्र्जकाले र जोशुआ किमिचले एक-एक गोल गरे ।बायर्नले एक गोल पहिलो हाफमा र अर्को गोल दोस्रो हाफमा गरेको हो ।
खेलको १३ औँ मिनेटमा लियोन गोत्र्जकाले हेडमार्फत गोल गर्दै टोलीलाई अग्रता दिलाएका थिए।
दोस्रो हाफको ७० औं मिनेटमा लोकोमोटिभ मस्कोका एन्टोन मिरानचुकले गोल गरेपछि खेल १-१ को बराबरीमा आएको थियो ।त्यसपछि ७९ औं मिनेटमा जोशुआ किमिचले गोल गर्दै टोलीलाई २–१ को जित दिलाए ।
जितसँगै च्याम्पियन्स लिगको समूह एमा रहेको बायर्नले ६ अंक जोडेको छ ।
