आधारभूमि संवाददाता
काठमाडौँ, ९ कात्तिक
पेरिस सेन्ट जर्मेन (पीएसजी) ले फ्रेन्च लिग वानमा शानदार जित निकालेको छ ।शनिबार राति भएको खेलमा पीएसजीले घरेलु मैदानमा डिजोनलाई ४-० गोलले पराजित गरेको हो ।
पीएसजीलाई जित दिलाउन मोइस किन र केलियन एमबाप्पेले दुई -दुई गोल गरे । पीएसजीले दुई गोल पहिलो हाफमा र दुई गोल दोस्रो हाफमा गरेको हो ।
खेलको तेस्रो मिनेटमा मोइस किनले गोल गर्दै टोलीलाई सुरुवाती अग्रता दिलाएका थिए। ७७ औं मिनेटमा किनले व्यक्तिगत दोस्रो गोल गर्दै टोलीको अग्रता दोब्बर पारे ।
दोस्रो हाफको ८२ औं मिनेटमा केलियन एमबाप्पेले गोल गर्दै टोलीलाई ३-० ले अघि बढाए।त्यसको ६ मिनेटपछि एमबाप्पेले व्यक्तिगत दोस्रो गोल गर्दै पीएसजीको जीत सुनिश्चित गरे ।
जितसँगै पीएसजीले ८ खेलबाट १८ अंक जोडेको छ र शीर्ष स्थानमा उक्लिएको छ। पराजित डिजोन २ अंक सहित पुछारमा छ ।
