आधारभूमि संवाददाता

काठमाडौं, २ कात्तिक

आइतबार सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु २०० ले घटेको छ ।

शुक्रबार प्रतितोला रु ९४ हजार ९०० मा कारोबार भएको छापावाल सुनको मूल्य आज २०० ले घटेर प्रतितोला रु ९४ हजार ७०० मा झरेको छ । महासङ्घले आजका लागि तेजाबी सुनको मूल्य प्रतितोला रु ९४ हजार २०० तोकेको छ । शुक्रबार तेजाबी सुनको मूल्य प्रतितोला रु ९४ हजार ४०० मा कारोबार भएको थियो ।

आज चाँदीको मूल्य स्थिर रहेको छ । आज पनि महासङ्घले चाँदीको मूल्य प्रतितोला रु १२०० तोकेको छ ।