काठमाडौ, असोज ३०

क्रोएसिआ पठाउने आश्वासनमा ठगी गर्ने दुई जना व्यक्तिहरुलाई प्रहरीले पक्राउ गरेको छ । महानगरीय अपराध महाशाखा मिनभवनका अनुसार प्रहरीले सप्तरी डाक्नेश्वरी नगरपालिका ६ औरहीका २५ वर्षीय मोहम्मद सहजाद आलम र ४३ वर्षीय सुकमान वाईवालाई पक्राउ गरेको हो ।
प्रहरीका अनुसार उनीहरू काठमाडौंको बुढानिलकण्ठ नगरपालिका ११ कपनमा बस्दै आएका थिए । महानगरीय अपराध महाशाखाको टोलीले उनीहरूलाई बुधबार बानेश्वर र कपनबाट पक्राउ गरेको जानकारी दिएको छ ।

पक्राउ परेकाहरुले क्रोएसियामा रोजगारी गर्न पठाइदिने भन्दै नौ जना व्यक्तिहरूसँग तीन लाख सात हजार रूपैँया ठगी गरेका थिए । उनीहरूमाथि प्रहरीले थप अनुसन्धान गर्न महानगरीय प्रहरी परिसर पठाएको महाशाखाले जनाएको छ ।