आधारभूमि संवाददाता
काठमाडौँ, २८ असोज
बुधवार काठमाडौंमा उपत्यकामा थप १४०३ जनामा कोभिड–१९ का सङ्क्रमित थपिएका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता प्रा डा जागेश्वर गौतमले पछिल्लो २४ घण्टामा विभिन्न प्रयोगशालामा गरिएको परीक्षणका क्रममा उपत्यकामा १४०३ जनाको पिसिआर पोजेटिभ आएको बताए ।
नयाँ संक्रमितमा काठमाडौंका ९९६ जना, ललितपुरका ३०५ र भक्तपुरका १०२ जना रहेको प्रवक्ता गौतमले जानकारी दिए । यसअघि मंगलबार उपत्यकामा दुई हजार १२९ सङ्क्रमित थपिएका थिए।
नेपालमा बुधवार थप २६३८ जनामा कोरोना सङ्क्रमण पुष्टि भएको छ । यो सँगै सङ्क्रमितको सङ्ख्या १ लाख १७ हजार ९९६ पुगेको छ । पछिल्लो २४ घण्टामा २१७४ जनाले कोरोना जितेका छन् । योसँगै हालसम्म कोरोनामुक्त भई डिस्चार्ज हुनेको कूल सङ्ख्या ८० हजार ९५४ पुगेको छ ।
हालसम्म १२ लाख ८४ हजार ३८ जनाको पीसीआर परीक्षण गरिएको छ।
