आधारभूमि संवाददाता
भक्तपुर, असोज २८
पुर्व उद्योगमन्त्री महेश बस्नेतले हनुमन्ते गोदावरी खोला करिडोरको शिलान्यास गरेकाछन । भक्तपुर क्षेत्र नं २ को माननीय प्रतिनिधी सभा सदस्य समेत रहेका पुर्व उद्योग मन्त्री बस्नेतले ललितपुरको महालक्ष्मी नगरपालिका वडा नम्वर ५ स्थित हनुमन्ते गोदावरी दोभान करिडोरको शिलान्यास गरेका हुन ।
उक्त कार्यक्रममा पुर्वमन्त्री बस्नेतले ५५ करोड ८९ लाख ६१ हजार १७ रुपैयाँ ९५ पैसाको कुल लागतमा बन्ने उक्त कोरिडोरको निर्माण कार्य आगामी २७ महिना भित्रमा सम्पन्न गर्ने बताए । विकास निर्माणमा अवरोध गर्नु भनेको आफैँ अध्याँरोतिर धकेलिनु हो भन्दै उनले बालकुमारि रानीकोट सम्म ५४ सय रोपनी जग्गा ल्याण्ड पुलिङ गर्ने कार्य भइरहेको र कोरिडोरमा परेका जग्गा फिर्ता गर्ने पनि बताए । साथै उनले २७ महिना भित्रमा सम्पन्न गर्ने लक्ष्य लिएको कोरिडोरको निमार्णको ठेक्का कालिका कन्सट्रक्सन र समानान्तर कन्सट्रक्सनले पाएको पनि जानकारी दिएका छन् ।
कार्यक्रममा नेकपाका पार्टी सभापति ललितपुरका हरिकृष्ण व्यञ्जनकार, नेकपा कार्यालय जिल्ला सदस्य सरोज डंगोल, महालक्ष्मी नगरपालिका वडा.नं ५ का अध्यक्ष राजकुमार सिलवाल, उपत्यका
विकास प्राधिकरणका प्रमुख नवराज प्याकुरेल लगायत समितिका पदाधिकारी र विकास प्रेमी व्यक्तिहरुको उपस्थिती रहेको थियो ।
