काठमाडौँ, २८ असोज
फिफा विश्वकप २०२२ अन्तर्गत दक्षिण अमेरिकी छनोटमा ब्राजिलले सानदार जित निकालेको छ।बुधबार बिहान भएको खेलमा ब्राजिलले पेरुलाई ४-२ गोलले पराजित गरेको हो ।
ब्राजिललाई जित दिलाउन नेयमारले ह्याट्रिक गरे भने रिचार्डलिसनले एक गोल गरेका थिए । पेरुका आन्द्रे कारिलोले र रेनाटो तापियाले एक/एक गोल गरेका थिए ।
खेलमा पहिलो अग्रता पेरुलेनै लिएको थियो ।खेलको छैटौं मिनेटमा आन्द्रे कारिलोको गोल गर्दै पेरुलाई अग्रता दिलाएका थिए ।खेलको २८ औं मिनेटमा नेयमारले पेनाल्टीमा गोल गर्दै खेल बराबरीमा ल्याए ।
दोस्रो हाफको ५९ औँ मिनेटमा रेनाटो तापियाले गोल गर्दै पेरुको अग्रता अग्रता दोब्बर पारे । तर त्यो अग्रता धेरै बेर टिकेन ा त्यसको ५ मिनेटपछि ब्राजिलका रिचार्डलिसनले बराबरि गोल फर्काए।
त्यसपछि खेलको ८३ औं मिनेटमा पेनाल्टीमा नेयमारले व्यक्तिगत दोस्रो गोल गर्दै टोलीलाई ३-२ ले अघि बढाए। पेरुका लुइस अब्रामले ब्राजिलका रिबेरोलाई धेकेलेपछि ब्राजिललाई पेनाल्टी दिइएको थियो। खेल सकिन एक मिनेट बाँकी हुँदा पेरु १० खेलाडीमा सिमिति बनेको थियो ।जसको फाइदा ब्राजिलले लियो । दोस्रो हाफको इन्जुरी समयमा नेयमारले ह्याट्रिक पुरा गरे र ब्राजिललाई शानदार जित दिलाए ।उनले रिबेरोको पासमा गोल गरेका थिए।
जितसँगै ब्राजिलले समूह चरणमा २ खेलबाट ६ अंक जोडेको छ ।
