आधारभूमि संवाददाता
काठमाडौं, २२ असोज
विश्वभर महामारकिो रूपमा फैलिएको कोरोना सङ्क्रमितको सङ्ख्या संयुक्त राज्य अमेरिकामा ७७ लाख नाघेको छ ।
नेपाली समय बिहीबार ८:३० बजे सम्म अमेरिकामा ७७ लाख ७६ हजार २२४ जना व्यक्ति कोरोना सङ्क्रमित भएका छन् ।
चीनको वुहानमा कोभिड–१९ सङ्क्रमण फैलिएको गत वर्षको अन्त्यतिर सार्वजनिक भएको भएपनि अमेरिकामा पहिलो सङ्क्रमित विरामी जनवरी २१ मा भेटिएको थियो । अमेरिकामा बिहीबारसम्म २ लाख १६ हजार ७८४ व्यक्तिको कोरोना सङ्क्रमणबाट मृत्यु भएको छ । २५ लाख ७६ हजार ६० व्यक्ति कोरोना भाइरस सङ्क्रमित रहेका उनीहरूको उपचार भइरहेको छ ।सङ्क्रमितमध्ये हालसम्म ४९ लाख ८३ हजार ३८० व्यक्ति कोरोना मुक्त भएका छन् ।सङ्क्रमितमध्ये १४ हजार ५७१ जनाको अवस्था गम्भीर रहेको जनाइएको छ ।
अमेरिकापछि बढी सङ्क्रमण भारतमा ६८ लाख भन्दा बढीमा सङ्क्रमण देखिएको छ भने तेस्रो धेरै सङ्क्रमित सङ्ख्या ब्राजिलमा झण्डै ५० लाख भन्दा बढी सङ्क्रमित भएका छन् ।
केही दिनअघिबाट अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्प दुवैलाई कोरोना भाइरस सङ्क्रमण भएको छ ।
विश्वभर महामारीका रुपमा फैलिएको कोरोनाभाइरस (कोभिड–१९) को सङ्क्रमणबाट मृत्यु हुनेको संख्या बिहीबारसम्म १० लाख ६० हजार ४४३ जना पुगेको छ । यस भाइरसबाट सङक्रमित हुनेको संख्या विश्वभर तीन करोड ६३ लाख ९१ हजार ५७ पुगेको छ । कूल सङ्क्रमितमध्ये दुई करोड ७४ लाख ८ हजार भन्दा बढी हजार निको छन् भने करिब ७९ लाख २२ हजार मानिस सक्रिय सङ्क्रमित छन् । विश्वभर अझै पनि ६७ हजार भन्दा बढी मानिसको स्वास्थ्य अवस्था निकै जटिल रहेको छ ।
स्रोत : वर्ल्डोमीटर
