आधारभूमि संवाददाता
काठमाडौँ, १९ असोज
नेपालमा कोरोना सङ्क्रमणबाट थप १९ जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा नेपालमा थप १९ जनाको कोरोना सङ्क्रमणबाट मृत्यु भएको जानकारी दिए ।मृत्यु हुनेमा ५ महिला र १४ पुरुष रहेका छन्।
मृत्यु हुनेमध्ये काठमाडौँकी ३ महिला,पर्सा र गोर्खाकी एक/एक महिला र पुरूषमा सुनसरी ,चितवन र नवलपरासीका एक/एक पुरूष,सर्लाहीका २ पुरुष,काठमाडौंका ६ पुरुष र ललितपुरका ३ पुरुष रहेका छन्।
यससँगै नेपालमा कोरोना भाइरसका कारण मृत्यु हुनेको सङ्ख्या ५५४ पुगेको छ । यसअघि आइतबार कोरोना भाइरसका कारण ७ जनाको मृत्यु भएको थियो।