आधारभूमि संवाददाता

काठमाडौं, १९ असोज

सोमबार सुनको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले घटेको छ ।

आइतबार प्रतितोला रु ९४ हजार ५०० मा कारोबार भएको छापावाल सुनको मूल्य आज ४०० ले घटेर प्रतितोला रु ९४ हजार १०० मा झरेको छ । महासङ्घले आजका लागि तेजाबी सुनको मूल्य प्रतितोला रु ९३ हजार ६०० तोकेको छ । आइतबार तेजाबी सुनको मूल्य प्रतितोला रु ९४ हजारमा कारोबार भएको थियो ।

आज महासङ्घले चाँदीको मूल्य प्रतितोला रु १ हजार १ सय ८० तोकेको छ । आइतबार पनि चाँदी यहि मूल्यमा कारोबार भएको थियो ।