काठमाडौं, १८ असोज
आधारभूमि संवाददाता
विश्वमा कोरोना भाइरस सङ्क्रमितको संख्या तीन करोड ५१ लाख नाघेको छ ।
नेपाली समय आइतबार १२:३० बजे सम्म विश्वभरीमा तीन करोड ५१ लाख ३९ हजार ६९९ जना व्यक्ति कोरोना सङ्क्रमित भएका छन् ।
सङ्क्रमितमध्ये हालसम्म दुई करोड ६१ लाख २८ हजार ४१० व्यक्ति कोरोना मुक्त भएका छन् । विश्वभरमा ७९ लाख ७३ हजार २६२ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये ६६ हजार ६६ जनाको अवस्था गम्भीर रहेको जनाइएको छ भने विश्वमा कोरोना भाइरस सङ्क्रमणको कारण १० लाख ३८ हजार २७ व्यक्तिको मृत्यु भएको छ ।
चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।
सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित ब्राजिलमा देखिएको छ ।
पछिल्लो विवरण अनुसार अमेरिकामा कुल सङ्क्रमितको संख्या ७६ लाख ८४६ पुगेको छ । त्यसैगरी यहाँ कुल मृतकको संख्या २ लाख १४ हजार २७७ पुगेको छ ।
दोस्रो धेरै प्रभावित भएको भारतमा ६५ लाख ४९ हजार ३७३ जना सङ्क्रमित भएका छन् भने १ लाख १ हजार ८१२ जनाको मृत्यु भएको छ ।
त्यसतै तेस्रो धेरै प्रभावित भएको ब्राजिलमा ४९ लाख ६ हजार ८३३ जना सङ्क्रमित भएका छन् भने एक लाख ४६ हजार ११ जनाको मृत्यु भएको छ ।
स्रोत: वर्ल्डोमीटर
