आधारभूमि संवाददाता
काठमाडौँ, १५ असोज
नेपालमा कोरोना सङ्क्रमणबाट थप ११ जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा नेपालमा थप ११ जनाको कोरोना सङ्क्रमणबाट मृत्यु भएको जानकारी दिए ।मृत्यु हुनेमा १ महिला र १० पुरुष रहेका छन्।
मृत्यु हुनेमध्ये महिलामा बाँकेकी ३४ वर्षिय र पुरूषमा सुनसरीका ५६,५० र २७ वर्षिय तीन जना,काठमाडौंका ७८ र ६८ वर्षिय दुई जना,भक्तपुरका ६८ वर्षिय ,ललितपुरका ४८ वर्षिय र रुपन्देहीका ८०,५५र ४२ वर्षिय तीन जना रहेका छन्।
यससँगै नेपालमा कोरोना भाइरसका कारण मृत्यु हुनेको सङ्ख्या ५०९ पुगेको छ । यसअघि बुधवार कोरोना भाइरसका कारण १० जनाको मृत्यु भएको थियो।