भक्तपुर, असोज १३
शिव शिखर बहुउद्देश्यीय सहकारी संस्था लि.को सदस्य सेवा केन्द्र कमलविनायक, भक्तपुर न.पा. १० को मातहतमा संचालन हुने गार्डेन मार्ट डिपार्टमेन्ट स्टोरको बिक्री शुभारम्भ सोमबारका दिनबाट गरियो । उक्त मार्टमा दैनिक उपभोग्य लगायत अन्य आवश्यक सामग्रीहरु सुपथ मुल्यमा उपलब्ध छन ।
यो मार्ट उक्त सहकारीले संचालन गरेको दोश्रो मार्ट हो । यसले यस अघि सदस्य सेवा केन्द्र डडेलधुराबाट पहिलो गार्डेन मार्ट संचालनमा ल्याएको थियो । यस संस्थाले २०७७ साल भरमा उपत्यकामा ५० बटा र नेपाल भर २०० बटा संचालन गर्ने तयारी गरी रहेको छ । यसबाट स्थानिय स्तरमा रोजगारी सृजनाहुनुका साथै सहकारी संस्थाका सदस्यलगायत उक्त क्षेत्रका आम उपभोक्तालाई एउटै छाता मुनी बाट उपभोग्य सामग्रीको प्राप्ती सुपथ मुल्यमा हुने भएकोले समय र पैसाको वचत हुने शिव शिखर बहउद्देश्यीय सहकारी संस्था लि.का मुख्य प्रवन्धक लिलानाथ गौतमले जनाउनुभयो ।
उदघाटन को क्रममा रहेको कमलविनायको गार्डेन मार्टमा भक्तपुरबासीले देखाउनु भएको उत्साहजनक सहभागिताको लागि यस शिव शिखर बहुउद्देश्यीय सहकारी संस्था लि हार्दिक आभार ब्यक्त गर्दै आवश्यक सामग्री सुपथ मूल्यमा उपलब्ध गराउन दत्त चित्त भएर लाग्ने प्रतिवद्धता ब्यक्त गर्दछ ।
