काठमाडौँ, २ असोज
नेपालमा कोरोना सङ्क्रमणबाट थप ७ जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा नेपालमा थप ७ जनाको कोरोना सङ्क्रमणबाट मृत्यु भएको जानकारी दिए ।मृत्यु हुनेमा २ महिला र ५ पुरुष रहेका छन्।
मृत्यु हुनेमध्ये काठमाडौँकी ८५ वर्षिय महिला,ललितपुरकी ६६ वर्षिय महिला र पुरूषमा मोरंगका ६६/६६ वर्षिय दुई, काठमाडौँका ८८ वर्षिय, भक्तपुरका ८२ वर्षिय र नवलपरासीका ३१ वर्षिय रहेका छन् ।
यससँगै नेपालमा कोरोना भाइरसका कारण मृत्यु हुनेको सङ्ख्या ३ सय ९० पुगेको छ । यसअघि बिहीबार कोरोना भाइरसका कारण ४ जनाको मृत्यु भएको थियो।
