आधारभूमि संवाददाता

काठमाडौं, २ असोज

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले वृद्धि भएको छ ।

बिहीबार तोलामा रु ९६ हजार ६०० मा कारोबार भएको सुनको मूल्य आज प्रतितोला रु ४०० बढेर रु ९७ हजार रुपैयाँमा कारोबार भएको छ र तेजाबी सुनको मूल्य प्रतितोला रु ९६ हजार ५०० तोकेको छ । बिहीबार तेजाबी सुन प्रतितोला रु ९६ हजार १०० मा खरिद बिक्री भएको थियो ।

आज चाँदीको मूल्य प्रतितोला रु १० ले वृद्धि भएको छ । आज महासङ्घले चाँदीको मूल्य प्रतितोला रु १ हजार ३ सय ३० तोकेको छ । बिहीबार चाँदी तोलामा रु १ हजार ३ सय २० रुपैयाँमा कारोबार भएको थियो ।