आधारभूमि संवाददाता

काठमाडौ, भदौ २६

सुनको मूल्यमा आज पनि गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ३०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९६ हजार ५०० मा झरेको छ । बिहीबार छापावाल सुनको मूल्य प्रतितोला रु ९६ हजार ८०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९६ हजार तोकेको छ । बिहीबार तेजाबी सुनको मूल्य प्रतितोला रु ९६ हजार ३०० मा कारोबार भएको थियो ।

आज महासङ्घले चाँदीको मूल्य प्रतितोला रु १३ सय १० तोकेको छ ।बिहीबार चाँदी प्रतितोला रु १३ सय २५ मा कारोबार भएको थियो ।