आधारभूमि संवाददाता
काठमाडौं, भदौं १९
सेयरबजारमा सुचिकृत १८ म्युच्युल फन्डमध्ये १२ वटाको मूल्य १० रुपैयाँ भन्दा तल अर्थात प्राथमिक बजारमा खरिद गर्दाको मूल्य भन्दा पनि तल छ । प्रतिइकाई खुद सम्पत्ति १० रुपैयाँ भन्दा माथि हुँदा पनि लगानीकर्ताले घाटा सहेरै म्युच्युल फन्ड बेचिरहेका छन् ।
प्राथमिक बजारमा १० रुपैयाँमा खरिद गरेका यस्ता इकाहरुमा लगानीकर्ताको आकर्षण घटेकाले मूल्य घट्न गएको हो । अहिले सेयरबजारमा लक्ष्मी इक्वीटीको ८ दशमलव ७७ ग्लोबल आइएमइ समुन्नती स्कीमको ९, लक्ष्मी भ्यालु फन्डको ९ दशमलव ५ चारमा खरिद गर्न सकिन्छ । राज्यले म्युचुअल फण्डलाई प्रवद्र्धन गर्न आइपीओमा ५ प्रतिशत आरक्षण र आयमा कर नै नलाग्ने व्यवस्था गरेपनि उनिहरुले भने लगानीकर्तालाई आकर्षण गर्न सकेका छैनन् ।
सिद्धार्थ इन्भेष्टमेन्ट ग्रोथ स्कीम वान परिपक्व भइसकेको र सिटिजन्स म्युच्युल फन्ड दुई सुचिकृत भएपनि कारोबार नभएकाले सेयरबजारमा कारोबार हुने १६ कम्पनी मध्ये १२ वटा कम्पनीको मूल्य १० रुपैयाँ भन्दा कम देखिन्छ ।
सेयरबजारमा १० रुपैयाँभन्दा तल रहेका म्युच्युल फन्ड
ग्लोबल समुन्न स्कीमले सञ्चालनमा आएको ५ वर्षमो यो वर्ष पहिलो पटक ४ प्रतिशत लाभांस दिने घोषणा गरेको छ । यो योजना परिपक्व हुन अब दुई, वर्ष छ । अहिलेको प्रति इकाई खुद सम्पत्तिलाई आधार मान्ने हो भने यसले ग्राहकको लगानीमा जम्मा ६४ पैसा बृद्धि गरेको छ । यसले लाभांस दिन नसकेपछि अहिले लगानीकर्ताले प्रति इकाई ७८ पैसा घाटा सहेरै भएपनि ९ रुपैयाँ ८६ पैसामा सेयर बेचिरहेका छन् ।
गत आर्थिक वर्षको नाफाबाट लाभांस घोषणा
म्युच्युल फन्डमा बिज्ञ समुहहरुको टोली हुन्छ भनिएपनि सेयरबजारमा घटेको मूल्यलाई आधार मान्ने हो भने लगानीकर्ता उनिहरुले दिएको लाभांसमा सन्तुष्ट छैनन् । गत वर्षको नाफाबाट सबैभन्दा कम लाभांस दिनेमा ग्लोबल समुन्नत सँगै लक्ष्मी इक्वीटी, सिद्धार्थ ग्रोथ स्कीम दुई र नबिल इक्वीटी फन्ड छन् भने सबैभन्दा बढि दिने एनआईसी एसिया ग्रोथ फन्ड र एनआइबिएलले १२ प्रतिशत सम्म लाभांस दिएका छन् ।
सेयरबजारमा १० रुपैयाँ भन्दा कम मूल्य भएका यस्ता १२ फन्ड मध्ये को ११ प्रति इकाई खुद सम्पत्ति मूल्य भने १० रुपैयाँ भन्दा माथि छ । सेयरबजार तथा बैंकको मुद्दति निक्षेप र बचतमा राखेको रकमबाट प्राप्त आयका कारण वास्तवीक रुपमा ११ फन्डमा लगानीकर्ताले लगानी गरेको १० रुपैयाँमा सम्पत्ति केहि थप भएको छ ।
प्रति इकाई खुद सम्पत्ति मूल्य (NAV )
प्रतिइकाई खुद सम्पत्ति १० रुपैयाँ भन्दा माथि भएपनि सेयरलगानीकर्ताले भने घटेर सेयर बेचिरहेका छन् । म्युच्युल फन्ड सञ्चालकहरु भने घट्दो बजारको प्रभावका कारण प्रतिइकाई मूल्यमा प्रभाव परेको बताउँछन् ।
घट्दो बजारका बेलामा पनि हुने किनबेचबाट प्रतिफल निकाल्नका लागि नै म्युच्युल फन्डमा लगानी गर्ने हो । दक्ष जनशक्तिको अभावका कारण म्युच्युल फन्डले लगानीकर्तालाई आकर्षण गर्न सकेका छैन । लगानीकर्ताले खासै लाभ पाउन नसकेपनि सञ्चालकहरुले भने आकर्षक सेवा सुविधा पाउँदै आएका छन् ।
