आधारभूमि संवाददाता

काठमाडौ, भदौ १८

सुनको मूल्यमा आज पनि गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ७०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९६ हजार ५०० मा झरेको छ । बुधबार छापावाल सुनको मूल्य प्रतितोला रु ९७ हजार २०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९६ हजार तोकेको छ । बुधबार तेजाबी सुनको मूल्य प्रतितोला रु ९६ हजार ७०० मा कारोबार भएको थियो ।

आज महासङ्घले चाँदीको मूल्य प्रतितोला रु १३ सय ४५ तोकेको छ ।बुधबार चाँदी प्रतितोला रु १३ सय ६५ कारोबार भएको थियो ।