काठमाडौ, भदौ १७
फिटवेल गामेन्ट प्रालीले निषेधाज्ञामा पनि रक्तदान कार्यक्रमको आयोजना गरेको छ । बिभिन्न संचारमाध्यममा बजारमा रगतको अभाव भयो भन्ने थाहा पाएपछि निषेधाज्ञाको समयमा पनि जोखिम मोलेर रक्तदान कार्यक्रम आयोजना गरेको ग्रामेंटका संचालक मनोज कुमार भारतीले बताए ।
काठमाडौँको नागार्जुङ नगरपालिका वडा नम्बर ६ स्थित गार्मेन्टको आँगनमा नै गरिएको रक्तदान कार्यक्रममा करिब ४२ जनाले रगत दिएका छन् । राष्ट्र युवा परिषदका कार्यकारी उपाध्यक्ष माधव ढुंगेल, नागार्जुन नगरपालिकाका मेयर मोहन बहादुर बस्नेत, उपमेयर शुशिला अधिकारी रक्तदान कार्यक्रमलाई हौसला दिन कार्यक्रत स्थलमा पुगेका थिए ।
बजारमा देखिएको रगतको अभाव पूरा गर्न सामाजिक दूरी कायम गरी रक्तदान कार्यक्रममार्फत रगत संकलनमा सहयोग गरेको भन्दै संचालक भारती लगायत गार्मेन्ट कम्पनी परिवारलाई नै उनीहरुले धन्यबाद दिए । कोरोनाको लकडाउनमा बजारमा रगत अभाव भएको समाचार मार्फत थाहा भएपछि छोटो तयारीमै रक्तदान कार्यक्रम आयोजना गरिएको गार्मेन्टका संचालक भारतीले बताए । समाचार पढेपछि यो बेला केहि गर्नुपर्छ भनेर मेरा कर्मचारी साथीहरुसँग छलफल गरे, सबैबाट सकारात्मक कुरा आयो र छोटो तयारिमै कार्यक्रम गर्न सफल भयौं, बजारमा देखिएको रगतको अभाव केहि मात्रामा भएपनि पूरा हुन्छ भन्ने विश्वास छ उनले भने ।
लामो समय कोरियामा काम गरेपश्चात स्वदेश फर्केर मनोज भारतीले गार्मेन्ट व्यवसाय संचालन गरेका हुन्। गार्मेन्टमा ७० जना कामदार छन् । यो निषेधाज्ञाको समयमा पनि भौतिक दुरी कायम राखेर सिमित काम भईरहेको संचालक भारतीले बताए । बिगत ७ बर्षदेखि संचालनमा रहेको गार्मेन्टमा सबै प्रकारका कपडा तथा आदेश अनुसार पोशाक तथा ड्रेस उत्पादन गरिने संचालक भारतीले बताए ।