आधारभूमि संवाददाता

काठमाडौ, भदौ १७

सुनको मूल्यमा आज गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १२०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९७ हजार २०० मा झरेको छ । मंगलबार छापावाल सुनको मूल्य प्रतितोला रु ९८ हजार ४०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९६ हजार ७०० तोकेको छ । मंगलबार तेजाबी सुनको मूल्य प्रतितोला रु ९७ हजार ९०० मा कारोबार भएको थियो ।

आज महासङ्घले चाँदीको मूल्य प्रतितोला रु १३ सय ६५ तोकेको छ ।मंगलबार चाँदी प्रतितोला रु १३ सय ९५ कारोबार भएको थियो ।