ललितपुर, भदौ १०
राष्ट्रिय सहकारी बैंक लिमिटेडले सदस्य सहकारी संस्थाहरुलाई प्रदान गर्ने कर्जाको ब्याज १० प्रतिशत भन्दा कम भएको छ ।
बैंकले भदौ १० गतेदेखि लागु हुने गरी परिवर्तन गरेको कर्जाको ब्याजदर सिंगल डिजिटको बनाएको हो । न्यूनतम साढे ६ प्रतिशतदेखि बढीमा साढे दश प्रतिशतसम्मको ब्याजदर कायम भएको बैंकद्वारा जारी सूचनामा उल्लेख छ । बैंकका अधिकांश कर्जाको ब्याज सिंगल डिजिडको बनाइएको अध्यक्ष के.बी.उप्रेतीले जानकारी दिए ।
कृषि तथा कृषि परियोजना कर्जामा साढे छ प्रतिशतदेखि नौ दशमलव २५ सम्म तथा परियोजना कर्जामा छ दशमलव ७५ देखि नौ दशमलव ९९ सम्म कायम भएको बैंकले जनाएको छ । बैंकले सदस्य सहकारी संघ संस्थाहरुलाई प्रदान गर्ने कर्जामा सबै भन्दा बढी दीगो सहकारी कर्जा र चालु पूँजि कर्जामा साढे १० प्रतिशत कायम गरिएको छ ।
बैंकले आवधिक कर्जामा आठ देखि १० दशमलव २५, हायर पर्चेज कर्जामा नौ दशमलवव ९९ तथा लघु कर्जामा नौ देखि १० दशमलव २५ प्रतिशत ब्याज कायम गरेको छ । बैंकले सदस्यहरुमार्फत लिने निक्षेपमा साढे दुुई प्रतिशतदेखि सात प्रतिशतसम्म कामय गरिएको प्रमुख कार्यकारी अधिकृत बद्रीकुमार गुरागाईले जानकारी दिए ।
बैंकले कोरोनाका कारण सरकारले जारी लकडाउन अन्र्तगत चैत देखि जेठ सम्मको ब्याजमा १० प्रतिशत छुट दिएको थियो । असार गतेदेखि कर्जा २ प्रतिशत ब्याज कम गरेको बैंकले यस पटक थप ब्याज परिवर्तन गरेको हो ।
