आधारभूमि संवाददाता
काठमाडौँ,१ भदौ
नेपालमा कोरोना सङ्क्रमणबाट थप तीन जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले थप
तीन जनाको कोरोना सङ्क्रमणबाट मृत्यु भएको जानकारी दिए ।
मृत्यु हुनेमा रौतहटका ३२ वर्षीय एक पुरुष , मोरंगका ६० वर्षीय एक पुरुष र काठमाडौंकी ५८ वर्षीय एक महिला रहेका छन् ।यससँगै नेपालमा कोरोना भाइरसका कारण मृत्यु हुनेको सङ्ख्या ८३ पुरुष र २४ महिला गरि १०७ पुगेको छ ।
आज थप ५८१ जनामा कोरोना संक्रमण पुष्टि भएको छ । त्यस्तै पछिल्लो २४ घण्टामा १६० जनाले कोरोना जितेका छन् ।