आधारभूमि संवाददाता
काठमाडौ, भदौ १
सुनको मूल्यमा आज सामान्य गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु २०० ले घटेको छ ।
स्थानीय बजारमा आज छापावाल सुनको मूल्य प्रतितोला रु ९८ हजार २०० मा झरेको छ । आइतबार छापावाल सुनको मूल्य प्रतितोला रु ९८ हजार ४०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९७ हजार ७०० तोकेको छ । आइतबार तेजाबी सुनको मूल्य प्रतितोला रु ९७ हजार ९०० मा कारोबार भएको थियो ।
आज चाँदीको मूल्य प्रतितोला रु १० ले घटेको छ । आज महासङ्घले चाँदीको मूल्य प्रतितोला रु १३ सय १५ तोकेको छ ।आइतबार चाँदी तोलामा रु १३ सय २५ रुपैयाँमा कारोबार भएको थियो ।
