आधारभूमि संवाददाता
काठमाडौँ, ३२ साउन
नेपालमा कोरोना सङ्क्रमणबाट थप दुई जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले थप
दुई जनाको कोरोना सङ्क्रमणबाट मृत्यु भएको जानकारी दिए ।
मृत्यु हुनेमा पर्साका एक पुरुष र मोरंगका एक जना महिला रहेका छन् ।यससँगै नेपालमा कोरोना भाइरसका कारण मृत्यु हुनेको सङ्ख्या ८१ पुरुष र २३ महिला गरि १०४ पुगेको छ ।
आज थप ६४१ जनामा कोरोना संक्रमण पुष्टि भएको छ । त्यस्तै पछिल्लो २४ घण्टामा १३४ जनाले कोरोना जितेका छन् ।