आधारभूमि संवाददाता

काठमाडौं, साउन २९

नेपाली बजारमा सुनको मूल्य आज वृद्धि भएको छ । बुधवार प्रतितोला रु ९५ हजार ४०० मा कारोवार भएको पहेंलो धातुमा आज रु २४ सयले वृद्धि भएको छ । आज छापावाल सुनको मूल्य प्रतितोला रु ९७ हजार ८०० कायम भएको छ भने सोही परिमाणको तेजाबी सुनको मूल्य रु ९७ हजार ३०० निर्धारण गरिएको छ । बुधवार तेजाबी सुन रु ९४ हजार ९०० मा कारोवार भएको थियो ।

आज चाँदीको मूल्य ८५ रुपैयाँले वृद्धि भएको छ । चाँदी प्रतितोला १२ सय ९५ मा कारोवार भएको महासंघले जनाएको छ । बुधवार चाँदी तोलामा १२ सय १० रुपैयाँमा कारोबार भएको थियो ।