आधारभूमि संवाददाता

काठमाडौं, २७ साउन

नेपाली बजारमा आज सुनको मूल्य प्रतितोला १ लाख १ हजार ६०० मा रुपैयाँमा कारोबार भएको छ ।

नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ८०० ले घटेको हो । महासङ्घका अनुसार आज छापावाला सुनको मूल्य प्रतितोला रु १ लाख १ हजार ६०० र तेजाबी सुनको मूल्य प्रतितोला रु १ लाख १ हजार १०० मा कारोबार भएको छ । सोमबार छापावाला सुनको मूल्य प्रतितोला १ लाख २ हजार ४०० मा र तेजाबी सुनको मूल्य प्रतितोला रु १ लाख १ हजार ९०० मा कारोबार भएको थियो ।

आज चाँदीको मूल्य प्रतितोला रु ४० ले बढेको छ । आज महासङ्घले चाँदीको मूल्य प्रतितोला रु १४ सय ३५ तोकेको छ । सोमबार चाँदीको मूल्य प्रतितोला रु १३ सय ९५ मा कारोबार भएको थियो ।