आधारभूमि संवाददाता
काठमाडौ, साउन २५
कोरोना महामारी र यसलाई नियन्त्रण गर्नका लािग गरिएको लकाउनका कारण आर्थिक गतिविधि शिथिल भएको छ । कमाउन नसकेपछि अहिले मानिसहरु आफ्नो खर्च घटाउनमा लागेक छन् । जसका कारण काठमाडौंमा कैयन फ्ल्याटहरु धमाधम खाली हुन थालेका छन् ।
फ्ल्याटमा बस्नेहरु कोठामा सर्न थालेका छन् । अझ महंगा र सुविधा सम्पन्न खालका फ्ल्याटका मालिकहरु त अहिले भाडामा बस्ने नपाएर दिक्क भएका छन् ।
भाउ घटाएर दिन खोज्दा पनि महंगा खालका फ्ल्याटमा बस्नेहरु भेटिएका छैनन् । एक कोठमा भाडा लगाउने व्यवसायीले भने ‘ अहिले फ्ल्याट खाली भटाभट हुन थालेका छन् , स्थिती अझ बिग्रदै जाने हो र कोरोना महामारीले भयानक रुप लिए शहरका कोठमा पनि खाली हुने प्रवल संभावना देखिन्छ । ’
उनका अनुसार महामारीका कारण केहि शहरका कोठामा बस्नेहरु अलिकति रिङरोड बाहिर सर्न थालेका छन् । यो अहिले फाट्टफ्ट मात्रै देखिन्छ । पछि झनै बढ्दै जाने संभावना प्रवल छ ।
अझ शहरी इलाकामा रहेका घरधनीले कोठाभाडामा किचकिच गरेकाले पनि कोठा सर्नेहरु बढेका छन् । महामारीले व्यापार व्यवसाय चौपट भएकाले खर्च धान्न नसक्ने भन्दै डेरावाल फ्ल्याट छाडेर अहिले गल्लीभित्रका कोठाहरुमा सर्नं थालेका छन् ।
मूख्य सडकका फ्ल्याटमा अफिस राखेकाहरु अहिले गल्लीभित्र सर्न लागेका हुन् । महामारीका कारण खासगरी पर्यटकीय क्षेत्रठमेलका अधिकांश सटर खाली भइसकेका छन् । बागबजार क्षेत्रका घरधनीले यसअघिको भाडामा आधा घटाउदा पनि भाडामा बस्न्े पाउन सकेका छैनन् । सहरका अन्य क्षेत्रमा पनि अहिले सटर, कोठा र फ्ल्याट खाली भएका सूचना जताजतै देख्न सकिन्छ ।
चैत ११ देखिको लकडाउन सरकारले साउन ७ देखि हटाएपनि व्यापार व्यवसाय सामान्य भइसकेको छैन । असंगठित क्षेत्रका श्रमिक गाउ“बाट फर्किइसकेका छैनन् । पर्यटन, शिक्षण संस्था लगायत निजी क्षेत्रका श्रमिकले तलब नपाएको चार महिना भइसकेको छ । व्यापार व्यवसाय गर्नेहरुले पनि कमाइ नभएकाले धमाधम फ्ल्याट छोडिरहेका छन् । त्यसकै असर अहिले कोठा र फ्ल्याट खोज्ने डेरावालभन्दा भाडामा लगाइदिनुप¥यो भन्ने घरधनी बढेका छन् ।