आधारभूमि संवाददाता

काठमाडौं, साउन २२

नेपाली बजारमा सुनको मूल्य आज पनि नयाँ उचाइमा पुगेको छ । बुधवार प्रतितोला रु १ लाख १ हजार ४०० मा कारोवार भएको पहेंलो धातुमा आज रु ११०० ले वृद्धि भएको छ । आज छापावाल सुनको मूल्य प्रतितोला रु १ लाख २ हजार ५०० कायम भएको छ भने सोही परिमाणको तेजाबी सुनको मूल्य रु १ लाख २ हजार निर्धारण गरिएको छ । बुधवार तेजाबी सुन रु १ लाख ९०० मा कारोवार भएको थियो ।

चाँदी प्रतितोला रु १३ सय ४५ मा कारोवार भएको महासंघले जनाएको छ । बुधवार चाँदी प्रतितोला रु १२ सय ९५ मा कारोवार भएको थियो ।