आधारभूमि संवाददाता

काठमाडौं, साउन २०

नेपाली बजारमा सुनको मूल्य आज पनि नयाँ उचाइमा पुगेको छ । सोमबार प्रतितोला ९९ हजार ६०० मा कारोवार भएको पहेंलो धातुमा आज रु २०० ले वृद्धि भएको छ । आज छापावाल सुनको मूल्य प्रतितोला रु ९९ हजार ८०० कायम भएको छ भने सोही परिमाणको तेजाबी सुनको मूल्य रु ९९ हजार ३६५ निर्धारण गरिएको छ । सोमबार तेजाबी सुन रु ९९ हजार १६० मा कारोवार भएको थियो ।

चाँदी प्रतितोला रु १२ सय ३० मा कारोवार भएको महासंघले जनाएको छ ।