आधारभूमि संवाददाता
काठमाडौँ, १९ साउन
विश्वमा कोरोना भाइरस सङ्क्रमणको कारण ६ लाख ९२ हजार ८१९ व्यक्तिको मृत्यु भएको छ ।
नेपाली समय सोमबार १०:०० बजे सम्म विश्वभरीमा एक करोड ८२ लाख ३६ हजार ६२४ जना व्यक्ति कोरोना सङ्क्रमित भएका छन् ।
सङ्क्रमितमध्ये हालसम्म एक करोड १४ लाख ४६ हजार ९५२ व्यक्ति कोरोना मुक्त भएका छन् । विश्वभरमा ६० लाख ९६ हजार ८५३ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये ६५ हजार ७५४ जनाको अवस्था गम्भीर रहेको जनाइएको छ ।
चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।
सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित ब्राजिलमा देखिएको छ ।
पछिल्लो विवरण अनुसार अमेरिकामा कुल सङ्क्रमितको संख्या ४८ लाख १३ हजार ६४७ पुगेको छ । त्यसैगरी यहाँ कुल मृतकको संख्या एक लाख ५८ हजार ३६५ पुगेको छ ।
दोस्रो धेरै प्रभावित भएको ब्राजिलमा २७ लाख ३३ हजार ६७७ जना सङ्क्रमित भएका छन् भने ९४ हजार १३० जनाको मृत्यु भएको छ ।
स्रोत : वर्ल्डोमीटर
https://www.worldometers.info/coronavirus/
