आधारभूमि संवाददाता

काठमाडौं, साउन १६

नेपाली बजारमा सुनको मूल्य आज पनि नयाँ उचाइमा पुगेको छ । बिहीबार प्रतितोला ९९ हजार मा कारोवार भएको पहेंलो धातुमा आज रु ३०० ले वृद्धि भएको छ । आज छापावाल सुनको मूल्य प्रतितोला रु ९९ हजार ३०० कायम भएको छ भने सोही परिमाणको तेजाबी सुनको मूल्य रु ९८ हजार ८६५ निर्धारण गरिएको छ । बिहीबार तेजाबी सुन रु ९८ हजार ५६० मा कारोवार भएको थियो ।

आज चाँदीको मूल्य २५ रुपैयाँले घटेको छ । चाँदी प्रतितोला १२ सय मा कारोवार भएको महासंघले जनाएको छ । बिहीबार चाँदी तोलामा १२ सय २५ रुपैयाँमा कारोबार भएको थियो ।