आधारभूमि संवाददाता

काठमाडौं, साउन १२

नेपाली बजारमा सुनको मूल्य आज पनि नयाँ उचाइमा पुगेको छ । आइतबार प्रतितोला ९६ हजार ३०० मा कारोवार भएको पहेंलो धातुमा आज रु १२०० ले वृद्धि भएको छ । आज छापावाल सुनको मूल्य प्रतितोला रु ९७ हजार ५०० कायम भएको छ भने सोही परिमाणको तेजाबी सुनको मूल्य रु ९७ हजार ६० निर्धारण गरिएको छ ।

सुनको मूल्य बढेसँगै आज चाँदीको मूल्य पनि ५५ रुपैयाँले वृद्धि भएको छ । चाँदी प्रतितोला १२ सय १० पुगेको महासंघले जनाएको छ । आइतबार चाँदी तोलामा ११ सय ५५ रुपैयाँमा कारोबार भएको थियो ।