आधारभूमि संवाददाता
काठमाडौं, ११ साउन
इटालियन सिरि ‘ए’ मा इन्टर मिलान दोस्रो स्थानमा उक्लिएको छ। शनिबार राति भएको खेलमा इन्टर मिलानले जिनोआलाई ३-० गोल अन्तरले पराजित गरेको हो ।
खेलमा इन्टर मिलानकोलागि रोमेलु लुकाकुले दुई गोल र एलेक्सिस साञ्चेजले एक गोल गरेका हुन्।
खेलको ३४ औँ मिनेटमा लुकाकुले गोल गर्दै टोलीलाई अग्रता दिलाएका थिए। दोस्रो हाफको ८३ औं मिनेटमा साञ्चेजले गोल गर्दै इन्टरलाई २-० को अग्रता दिलाए ।
त्यसपछि इन्जुरी समयमा लुकाकुले व्यक्तिगत दोस्रो गोल गर्दै जित सुनिश्चित गरे ।
जितसंगै इन्टर मिलानले ३६ खेलबाट ७६ अंक जोड्दै दोस्रो स्थानमा उक्लिएको छ। एटलान्टालाई १ अंकले पछि पार्दै इन्टर दोस्रो स्थानमा उक्लिएको हो । शीर्ष स्थानको युभेन्ट्सको ३५ खेलबाट ८० अंक छ। युभेन्ट्सका लागि उपाधि जित्न एक जितको खाँचो छ। युभेन्ट्सलाई उपाधि जित्न ३ अंकको आवश्यकता रहेको छ ।यस सिजनको उपाधि जितेमा युभेन्ट्सले ३६औं सिरी ‘ए’ उपाधि हात पार्नेछ ।
