काठमाडौं, ९ साउन
छिटो काम गरिदिने भन्दै सेवाग्राहीसँग बढी रकम असुल गरेको अभियोगमा गोरखा सुलिकोट गाउँपालिका-८ घर भएका २७ वर्षीय बिकाश गुरुङलाई चन्द्रागिरी नगरपालिका-१० गुर्जुधाराबाट बुधबार प्रहरीले पक्राउ गरेको छ ।
महानगरीय प्रहरी वृत्त थानकोटबाट खटिएको प्रहरीले गुरुङलाई यातायात व्यवस्था कार्यालय गुर्जुधारा नजिक सेवाग्राहीसँग ६ हजार ८ सय रुपैयाँ असुल गरिरहेको अवस्थामा फेला पारी पक्राउ गरेको हो ।
यस सम्बन्धमा थप अनुसन्धान भइरहेको महानगरी प्रहरी वृत्त थानकोटले जनाएको छ ।
