आधारभूमि संवाददाता

काठमाडौं, ६ साउन

सुनको मूल्यमा आज सामान्य बृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले बढेको छ ।

स्थानीय बजारमा आज छापावाल सुनको मूल्य प्रतितोला रु ९२ हजार ७०० र तेजाबी सुनको मूल्य प्रतितोला रु ९२ हजार २६० मा कारोबार भएको छ । सोमबार छापावाला सुनको मूल्य प्रतितोला रु ९२ हजार ३०० र तेजाबी सुनको मूल्य प्रतितोला रु ९१ हजार ८६५ मा कारोबार भएको थियो ।

आज चाँदीको मूल्य पनि प्रतितोला रु ४० ले बढेको छ । आज महासङ्घले चाँदीको मूल्य प्रतितोला रु १०४० तोकेको छ । सोमबार चाँदी प्रतितोला रु १००० मा कारोबार भएको थियो ।