काठमाडौ, असार ३०
गत असार २४ गते सिन्धुपाल्चोक जिल्लाको वाह्रविसे स्थितजम्मु क्षेत्रमा आएको वाढि तथा पहिरोका पिढितहरुलाई शुभेच्छुक हातहरु नामक संस्थाले राहत प्रदान गरेको छ । आज सिन्धुपाल्चोक जिल्लाको वाह्रविसेमा आयोजित राहत वितरण कार्यक्रममा पिढित ३२ परिवारलाई दाल, चामल, तेल, चिउरा लगायत करिव ६० हजार रुपैया वरावरको खाध्य सामाग्री वितरण गरिएको संस्थाले जनाएको छ ।
कार्यक्रममा संस्थाका अध्यक्ष खडानन्द घोरासैनीले उक्त राहत सामाग्री पिडित परिवारलाई हस्तान्तरण गर्नुभएको हो । संस्थाका सल्लाहकारहरु अमेरिकाको क्यालिफोर्निया निवासी केशव राज भट्टराई र शिशिर पोखरेलको आर्थिक सहयोगमा उक्त सामाग्री खरिद गरि हस्तान्तरण गरिएको हो । भक्तपुरको सुर्यविनायकमा रहेको सुभेच्छुक हातहरु नामक संस्थाले आगामी दिनमा पनि यस किसिमको सहयोगलाई निरन्तरता दिने प्रतिवद्धता जनाएको छ ।