काठमाडौ, असार ३०
राजश्व अनुसन्धान बिभागले नक्कली भ्याटबिल प्रयोग गरी राजश्व छलि गरेको अभियोगमा युनिक वाईड इन्टरनेशनल बिरुद्ध उच्च अदालत पाटनमा मुुद्धा दायर गरेको छ । बिभागका अनुसार झुट्टा तथा नक्कली मुल्य अभिबृद्धि कर। विजक प्रयोग गरी राजस्व छलि गर्ने काठमाडौ महानगरपालिका वडा नं. १ स्थित युनिक वाइड ईन्टरनेश्नल प्रा.लि. (स्थायी लेखा नम्बर ६००५७७८२५) र न्यू युनिक इन्टरनेशनल (स्थायी लेखा नम्बर ३००८४२२३) का संचालक र प्रोप्राईटरको बिरुद्धमा मुुद्धा दायर गरेको हो ।
बिभागका अनुसार उक्त दुुई वटा कम्पनीहरुको नाउँमा ३७ करोड ६० लाख २८ हजार सात सय रुपैया विगो असुल गरी जरिवाना र कैद मागदावी लिई सोमबार उच्च अदालत पाटनमा मुुद्धा दर्ता गरिएको हो । युनिक वाइड ईन्टरनेशनल प्रा.लि र न्यू युनिक इन्टरनेशनलले वस्तु तथा सेवा खरिद नै नगरी झुठ्ठा तथा नक्कली मु.अ. कर विजक मात्र खरिद गरी मूल्य अभिवृद्धि कर र आयकर समेतको राजस्व चुहावटको कसूरगरेको देखिएको बिभागले जनाएको छ ।
बिभागका अनुसार प्रतिवादीहरुले राजस्व चुहावट (अनुसन्धान तथा नियन्त्रण) ऐन, २०५२ को दफा ३ ले निषेधित एवं सोही ऐनको दफा ४ को खण्ड (क), (ख), र (छ) बमोजिम कसुर गरी युनिक वाइड ईन्टरनेश्नल प्रा.लि तथा न्यू युनिक इन्टरनेशनलले मु.अ.कर तर्फ १२ करोड ४२ लाख २८ हजार छ सय १७ रुपैयाँ, आयकर तर्फ २२ करोड ८० लाख ५९ हजार तीन सय नौ रुपैयाँ र लाभकर तर्फ दुुइृ करोड ५७ लाख ४० हजार सात सय ७३ रुपैयाँ समेत गरी कुुल ३७ करोड ८० लाख २८ हजार सात सय रुपैयाँ राजश्व चुुहावट गरेको देखिएको छ ।
