आधारभूमी संवाददाता
काठमाडौं, असार ३०

नेपाली बजारमा आज सुनको मूल्य प्रतितोला रु ९२ हजार २०० रुपैयाँमा कारोबार भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १०० ले घटेको हो । महासङ्घका अनुसार आज छापावाला सुनको मूल्य प्रतितोला रु ९२ हजार २०० र तेजाबी सुनको मूल्य प्रतितोला ९१ हजार ७६० मा कारोबार भएको छ । सोमबार छापावाला सुनको मूल्य प्रतितोला रु ९२ हजार ३०० र तेजाबी सुनको मूल्य प्रतितोला रु ९१ हजार ८६५ मा कारोबार भएको थियो ।

आज चाँदीको मूल्य प्रतितोला रु ५ ले बढेको छ । आज महासङ्घले चाँदीको मूल्य प्रतितोला रु ९९५ तोकेको छ । सोमबार चाँदीको मूल्य प्रतितोला रु ९९० मा कारोबार भएको थियो ।