श्रीनगर, २९ असार /एएनआई
भारतमा पहिलो पटक कार्पेट एक्सपो विद्युतीय माध्यमबाट सञ्चालन गरिने भएको छ ।
कार्पेट निर्यात प्रबद्र्धन परिषद्ले आयोजना गरेको ४० औँ एक्स्पोको विद्युतीय माध्यमबाट सञ्चालन गर्ने तयारी भएको हो ।
एक्स्पो आगामी अगस्ट २१ देखि २५ तारिखसम्म योजना गर्ने तयारी भएको अधिकारीहरुले जानकारी दिएका छन् ।
कोरोनाभाइरसको सङ्क्रमण थप फैलिने डरले विद्युतीय माध्यमबाट एक्स्पो सञ्चालन गर्ने निर्णय भएको उनीहरुको भनाइ छ ।
यस एक्स्पोलाई भारतका कार्पेट निर्यातकर्ताहरुले एकैचोटी अन्तर्राष्ट्रिय बजारमा आफ्ना उत्पादनहरुको प्रबद्र्धन गर्ने मौकाका रुपमा लिइन्छ ।
उनीहरुले आफ्ना उत्पादनका बारेमा क्रेताहरुलाई बुझाउन पाउनेछन् भने कतिपय एजेण्डाहरुका बारेमा पनि छलफल गर्नेछन, परिषद्द्वारा जारी वक्तव्यमा लेखिएको छ ।
