आधारभूमि संवाददाता
काठमाडौँ, २७ असार
ललितपुरको महालक्ष्मी नगरपालिकामा २२ जनामा कोरोना पोजिटिभ पाइएको छ । वयोधा अस्तापतालको एक जना स्वास्थ्यकर्मीको लापरवाहीका कारण कोरोना फैलिएको जनाइएको छ ।
उनको लापरवाहीका कारण महालक्ष्मी नगरपालिका वडा नं ८ मा आफू गरि १५ जनामा कोरोनाको संक्रमण भएको हो भने एक जना संक्रमित चाहीँ भारतबाट आएको जनाइएको छ । वडा नं ६ मा ३ जनामा कोरोना संक्रमणको पुष्टी भएको छ । त्यस्तै मेडिसिटी अस्पतालका अर्का स्वास्थ्यकर्मी, महालक्ष्मी नगरपालिका वडा नं ४ मा १ जना र वडा नं १ मा एक जनामा संक्रमण पुष्टी भएको वाड नं ८ का वडा अध्यक्ष विश्वराम श्रेष्ठले जानकारी दिए । श्रेष्ठले टेकु अस्पतालमा जाँच गराउँदा रिपोट नेगेटिभ आएको र पाटन अस्पतालमा जाँच गराउँदा पोजिटिभ देखिने गरिएको बताए ।
संक्रमितहरुलाई विर अस्पतालको दुवाकोट स्थित आइसोलेसन सेन्टर, किर्तिपुरको आयुर्वेद अस्पताल, मेडिसिटी अस्पताल र पाटन अस्पतालमा राखिएको र सबैको स्वास्थ्य स्थिति सामान्य रहेको सम्बन्धीत वडाका वडा अध्यक्षहरुले आधारभूमिलाई जानकारी दिए ।
