आधारभूमि संवाददाता
काठमाडौँ, २२ असार
नेपालमा कोरोना सङ्क्रमणबाट थप एक जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले बागलुङका २९ वर्षीय एक पुरुषको मृत्यु भएको जानकारी दिए ।
प्रवक्ताका अनुसार बागलुङका निसीखोला गाउँपालिका-३ बस्ने २९ वर्षीय एक पुरुषको असार २१ गते मृत्यु भएको हो। उनी ढोरपाटन नगरपालिकाको क्वारिन्टिनमा रहेका थियो । उनी क्षयरोग पीडित थिए। उनी भारतबाट क्षयरोगको उपचार गरेर नेपाल फर्किएका थिए ।
योसँगै नेपालमा कोरोना संक्रमणबाट ज्यान गुमाउनेको संख्या ३५ पुगेको छ।