आधारभूमि संवाददाता

काठमाडौं, असार २२

सुनको मूल्यमा आज सामान्य गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ३०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९० हजार २०० र तेजाबी सुनको मूल्य प्रतितोला रु ८९ हजार ७६० मा झरेको छ । आइतबार छापावाला सुनको मूल्य प्रतितोला रु ९० हजार ५०० र तेजाबी सुनको मूल्य प्रतितोला रु ९० हजार ६५ मा कारोबार भएको थियो ।

आज महासङ्घले चाँदीको मूल्य प्रतितोला रु ९४० निर्धारण गरेको छ । आइतबार पनि चाँदी यही मूल्यमा कारोबार भएको थियो ।