काठमाडौँ, १९ असार
नेपालमा थप ७४० जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयद्वारा आज आयोजित नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा देशभरिका विभिन्न प्रयोगशालामा गरिएको परीक्षणका क्रममा ७४० जनामा कोरोना सङ्क्रमण पुष्टि भएको जानकारी दिनुभयो । यो सँगै सङ्क्रमितको सङ्ख्या १५ हजार २५९ पुगेको छ । त्यस्तै पछिल्लो २४ घण्टामा पीसीआर विधिबाट चार हजार ४८३ जनाको परीक्षण भएको छ । हालसम्म नेपालमा २ लाख ४२ हजार बढीकाे पिसिआर परीक्षण भएकाे छ।
थप ८२३ जना डिस्चार्ज
नेपालमा पछिल्लो २४ घण्टामा ८२३ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा देशभरिका विभिन्न प्रयोगशालाबाट ८२३ जना डिस्चार्ज भएको बताए ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या ६ हजार १४३ पुगेको छ । हालसम्म कोरोनाबाट मृत्यु हुनेको संख्या ३१ पुगेको छ।
